محصولي
السوق الرقمي للفِلاحة المغربية
محصولي كيقرب الفلاح من المشترين ملي كيغرس المحصول حتى كيحصد — باش الفلاح يعرف شكون مهتم بالغلة ديالو، والمشتري يعرف شنو غادي يكون متوفر، ويقدرو بجوج يوجدو راسهم بكري.
نتا فلاح
صرّح بالغلة ديالك بسهولة، حتى بلا أنترنيت. تطبيق خفيف، سريع، وكيخدم مباشرة فالتليفون ديالك.
نزّل التطبيق فالتيليفون ←من بعد ما تحلّ، التطبيق غادي يقترح عليك تنزّلو فالتيليفون.
نتا مشتري محترف
شوف الغلة اللي باغي تشري، من الحاسوب ولا التليفون ديالك. باش تعرف واش واجدات ولا قرّب تحصد.
طلب الولوج للمنصة ←كيفاش كيخدم
ربعة الخطوات، وفالأخير وكيل محصولي كيتكلم معاك.
الفلاح كيصرّح بالغلة
ملي كيغرس، كيصرّح بنوع الغلة، المساحة، إمتى غتحصد، وكيدير تصويرة ديال الأرض.
الوكيل كيتأكد
الوكيل ديال محصولي كيتأكد من هوية الفلاح وكيمشي يشوف الغلة بعينيه.
العرض كيبان
حسب الغلة، شهر الحصاد، والجهة، وشوف الكميات الكاينة وأنواع الغلة المتوفرة.
الوكيل كيبرم الصفقة
كيعيّط الفلاح والمشتري، وكيساعدهم باش يتافقو على الصفقة.
كيفاش غادي يعاونك محصولي؟
الفلاح كيتبع الغلة ديالو، والمشتري كيشوف الغلة لغادي يشري.
بالنسبة للفلاح
كيقدر يبيع الغلة ديالو بكري، حتى قبل ما يجنيها، وبالثمن والشروط اللي كتناسبو.
بالنسبة للمشتري
كيعرف شنو هي الغلة اللي غادي يشري، وشحال الكمية لمتوفرة، ووقتاش غادي تكون واجدة للبيع.
بالنسبة للقطاع
محصولي كيربط الفلاح بالمشتري بشكل مباشر، وكيعاون على تقليل كثرة الوسطاء، باش تكون الطريق من الغلة للمستهلك أقصر وأوضح.